Sa shpesh duhet t’i lajmë duart? Ekspertët shpjegojnë se ku gabojmë më shumë

Larja e rregullt e duarve është e nevojshme për të shkatërruar bakteret, por vetëm me larjen e duhur do të mund të eliminojmë shumicën e mikroorganizmave të dëmshëm.

Ekspertët vlerësojnë se shumica nuk i lajnë duart mjaftueshëm ose shpesh. Këto janë këshillat që duhet të ndiqni patjetër:

Sapuni duhet të mbahet në duar për të paktën 20 sekonda, në mënyrë që të shkatërrohen bakteret infektive. Përdorimi i një dezinfektuesi rekomandohet gjithashtu. Disa ekspertë vlerësojnë se ka deri në 15 situata në ditë kur bakteret në duart tuaja mund të komprometojnë sistemin tuaj imunitar.

Gjithashtu, edhe pse shumë besojnë se uji i nxehtë është më i miri për largimin e baktereve, ekspertët theksojnë se temperatura e ujit nuk luan një rol të rëndësishëm në eliminimin e mikroorganizmave.