“Samsung”-u konfirmon datën e Galaxy Fold 2

Ndërsa sytë e të gjithëve janë tek aktiviteti i 5 gushtit të “Samsungut”, interesi dhe spekulimet rreth asaj çfarë kompania ka përgatitur po shtohen dita- ditës.

Krahas Galaxy Note 20 pritet që në Galaxy Unpacked të prezantohet gjenerata e dytë e smartfonit me palosje Galaxy Fold 2, të paktën sipas një videoje “teaser” publikuar nga kompania në median sociale.

“Samsungu” UK në Twitter postoi një klip të shkurtër ku shfaqet një pikëz e vogël, e cila duke rënë shndërrohet në një flutur. Zakonisht ky imazh lidhet me telefonin e parë me palosje të kmpanisë “Galaxy Fold”.

A new look unfolds.
05.08.2020 pic.twitter.com/OHaF4zCy2C

— Samsung UK (@SamsungUK) July 19, 2020

Përpara aktivitetit analistët kanë hedhur dyshime mbi debutimin e “Galaxy Fold 2” krahas “Galaxy Note 20”. Por njoftimi informal përmes një teaseri rrëzon çdo dyshim.

Deri tani lidhur me këtë aktivitet kemi parë disa klipe e postera të Note 20 Ultra Plus, Galaxy Tab S7 Plus, Galaxy Beans dhe Galaxy Z Flip 5G.

Sipas spekulimeve “Galaxy Fold 2”, do të ketë ekran 7.7-inç dhe çmim prej 1.990 dollarësh.