Sarri befason: Ja çfarë Loftus-Cheek duhet të bëjë që të luajë nga minuta e parë
Maurizio Sarri e ka paralajmëruar Ruben Loftus-Cheek se ka ende punë për të bërë që të futet në formacionin bazë të Chelseat.
Mesfushori anglez shënoi tre-golësh në fitoren e sontme të Chelseat, 3-1 ndaj BATE Borisov në ”Stamford Bridge”.
Ishte vetëm starti i dytë i Loftus-Cheek këtë sezon dhe të dyja i bëri në Europa League, transmeton IndeksOnline.
Duke folur pas ndeshjes, Sarri tha se Loftus-Cheek duhet të punojë ende që të startojë në ndeshjet tjera.
”Loftus-Cheek luajti me të vërtetë mirë. Në faën ofanzive, ai ishte i mkreullueshëm”.
”I kam treguar atij në fillim të sezonit se është lojtar shumë i mirë. Dhe tani mendoj se ai i përshtatet mjaft mirë stilit tim”, tha Sarri.
”Por, ai duhet të përmirësohet në aspektin fdefanziv – por jo vetëm ai”.
”Kemi një problem taktik sepse kemi katër mesfushorë me karakteristika të njejta. Ishte e vështirë për ne ta vendosim në formacionin bazë”./IndeksOnline/