Shqipëri, flet ministrja e Energjisë: Po punojmë për të krijuar një burim energjie nga gazi

Ministrja e Energjisë dhe Infrastrukturës, Belinda Balluku gjatë një takimi me biznesmenë në Holandë u shpreh se Shqipëria po punon për të krijuar një burim të qëndrueshëm energjetik.

Sipas saj kjo mund të realizohet nga një burim të qëndrueshëm që vjen nga prodhimi i termocentraleve me gaz të lëngshëm natyror.

“Duhet të krijojmë burime të  reja të energjisë që janë parqet diellore apo mullinjtë e erës. Po krijojmë fort për të punuar për një burim të ri energjetik, që të jetë i besueshëm dhe të jetë në kontrollin tonë.  Ne vuajmë shpesh nga thatësia në Shqipëri. Ashtu siç tregonin të gjithë shifrat dhe analizat nga deti i veriut për prodhimin e energjisë nga era, me 50% më pak për shkak të erës me shpejtësi të ngadaltë. Po punojmë të krijojmë një burim të qëndrueshëm energjie që vjen nga prodhimi i termocentraleve me gaz lëngshëm natyror. Kjo të jetë zgjidhje jo vetëm për Shqipërinë por edhe për vendet fqinje”, u shpreh ministrja Balluku.

Ajo nënvizoi se duhet të krijojmë siguri energjetike jo vetëm për Shqipërinë por edhe për rajonin.