Shqipëri: Ky është polici 20-vjeçar, që u plagos gjatë shërbimit dhe iu paralizuan gjymtyrët

Arsen Toska është zyrtari policor që u plagos brenda automjetit mjetit të policisë, gjatë shoqërimit të një të dyshuari drejt Komisariatit të Policisë Kuçovë.

20-vjeçari ndodhet ende në Spitalin e Traumës në Tiranë, me lëndime dhe palëvizshmëri të gjymtyrëve të poshtme, shkruan A2CNN-i.

Ai u plagos me armën e tij të shërbimit mbrëmjen e të hënës nga 45-vjeçari Zamir Skënderi.

Skënderi ka deklaruar gjatë marrjes në pyetje se “nuk mban mend asgjë pasi ka qenë nën efektin e lëndëve narkotike”.