Shqiptarët përfundojnë në pranga, dërgonin me postë drogë në Londër

Dy shqiptarë janë arrestuar në Itali, pasi janë akuzuar se trafikonin drogë.

Shqiptarët e arrestuar janë shtetasit me iniciale K.N e K.G 29 e 37 vjeç me akuzën e trafikut ndërkombëtar të drogës.

Disa ditë më parë ata kishin tentuar të dërgonin rreth 75 kg marijuanë nga Roma në Londër, me anë të shërbimit të një agjencie private postare.

Pas kontrollit të kryer në agjencinë postare si dhe duke analizuar imazhet e marra nga videotelekamerat e zonës, Policia e Romës ka mundur të identifikoj dy shqiptarët që kishin postuar drogën.

Ata u arrestuan në flagrancë pasi u paraqitën në agjencinë postare për të pasur informacion nëse kishin mbërritur në destiancion pakot e tyre. /albeu.com/