Shuma marramendëse që Wilder dhe Fury do ta fitojnë pas meçit në Las Vegas

As Deontay Wilder e as Tyson Fury nuk lejuan të humbasnin në përbaljen për titullin e WBC-s në peshat e rënda.

Në përballjen e zhvilluar në Las Vegas, epilogu final i gjyqtarëve ishte për barazim.

Edhe pse kishte shumë kritika në drejtim të këtij vendimi, as Fury, e as Wilder nuk do të ”varfërohen” pas këtij barazimi, transmeton IndeksOnline.

Divizioni i peshave të rënda në boks ka qenë gjithnjë fitimprurës për boksierët, të cilët kanë arkëtuar shuma të majme ndër vite.

Dhe siç bëjnë të ditur mediat në ishull, nga ky meç, Fury do të arkëtojë 10 milionë dollarë, ndërsa Wilder 14 milionë dollarë.

Përndryshe, të dy boksierët e lartëcekur e kanë konfirmuar se do të përballen sërish në një revansh./IndeksOnline/