Si të rritim imunitetin e fëmijëve

Fëmijët janë të ekspozuar ndaj një numri të madh virusesh dhe bakteresh në mjedisin e tyre të përditshëm, kështu që duke luajtur me bashkëmoshatarët ose duke qëndruar në vende të mbyllura mund të shkaktohen shfaqje të shpeshta dhe përhapje të infeksioneve të ndryshme.

Megjithatë, këta faktorë nuk do të ndikojnë të gjithë fëmijët në mënyrë të barabartë. Derisa disa kanë sistem imunologjik që luftojnë me sukses mikroorganizma të ndryshme, të tjerët do të kenë më shumë gjasa të vuajnë.

Një sistem i shëndetshëm imunitar është një parakusht themelor për shëndetin e mirë. Një sistem imunitar është përgjegjës për zbulimin e mikroorganizmave armiqësore që bien në trup. Prandaj duhet të krijojë substanca të veçanta – antitrupa dhe qeliza mbrojtëse imunologjike që ndihmojnë në neutralizimin e aktivitetit të patogjenëve.

Shumica e fëmijëve kanë imunitet normal, por të pamjaftueshëm “me përvojë”. Për fëmijët është karakteristikë që ata sëmuren deri në disa herë në vit.

Nëse sëmundja është e butë dhe pa komplikime të mëdha, përpiqu të shërosh atë natyrshëm. Shmangni antibiotikët dhe i jepni trupit mundësinë që vetë të përballet me shëndetin. Kjo do ta ndihmojë atë të fitojë të njëjtën ose sëmundje të ngjashme herën tjetër.

Çfarë e dobëson imunitetin?

Disa ushqime dhe ndikime mjedisore mund të dëmtojnë sistemin imunitar. Marrja e tepërt e sheqerit, mungesa e aktivitetit fizik, shumë yndyrë, sidomos me origjinë shtazore, janë faktorë që ndikojnë në dobësimin e sistemit imunitar.

Te fëmijët më me moshë, imuniteti mund të dëmtohet gjithashtu. Për shembull, marrja jonormale e antibiotikëve mund të shkaktojë çrregullimin e rrugëve të frymëmarrjes. Pastaj bakteret e këqija përmbysin bakteret e mira që mbrojnë organizmin tonë. Në këtë rast, infeksioni është afatgjatë.

Si të forcojmë sistemin imunitar?

Mangësitë ushqyese mund të rrisin sensibilitin ndaj viruseve dhe baktereve, kështu që rekomandohen shtojca ushqimore që përmbajnë vitamina dhe minerale, si dhe produkte të bletëve.

Mjalti ka veti shëruese dhe ruan shëndetin e njeriut. Ai është një stimulues i mirë natyror i imunitetit dhe mbrojtjes së tij.

Vitamina C ka veprim antioksidues, rrit prodhimin e qelizave të bardha, por edhe nivelin e interferonit, proteinë natyrore që prodhon qeliza të sistemit imunitar, si kundërpërgjigje ndaj viruseve, baktereve, parazitëve dhe qeliza kanceroze.

Zinku është në mesin e mineraleve më të rëndësishme për mbrojtjen e organizmit dhe në sasi të kontrolluara rrit prodhimin e qelizave të bardha të gjakut, të cilat luftojnë kundër infeksionit dhe ndihmon në krijimin e antitrupave. Hulumtimet tregojnë se zinku parandalon infeksionet akute respiratorë te fëmijët.

Është e rëndësishme të njihni cilësinë kur zgjidhni shtesat dietike për fëmijët. Përparësi u jepet produkteve me përbërës natyralë që nuk përmbajnë ngjyra artificiale, shije artificiale dhe aditivë të tjerë. Fëmijët nuk duhet të sigurojnë shtesa ushqyese të destinuara për të rriturit, por produkte që përshtaten me dozimin dhe formën e fëmijëve, si shurupet.