Skuadra e Ferizajt harron debaklin nga Prishtina, të dielën nis misionin e fitoreve

Skuadra e Ferizajt në ndeshjen e fundit pësoi debakël nga Prishtina, duke u mposhtur me rezultat 8:1.

Por, këtë humbje duket se “ujqit” e kanë harruar dhe janë të gatshëm që ta arrijnë synimin për këtë sezon, mbijetesën në Superligë, transmeton Indeksonline.

Përmes një postimi skuadra e Ferizajt ka shkruar se kur janë të bashkuar arrijnë gjëra të mëdha.

Postimi i plotë i Ferizajt:

Mirëmëngjesi, të nderuar tifozë “ujq” dhe qytetarë të Ferizajt, në sezonin e kaluar në fillim të sezonit pranveror ishim pothuajse të pashpresë për mbetje në Superligë, pasi ishim shumë larg objektivit, se shumica e analistëve thonin se Ferizaj nuk ka mundësi të shpëtojë nga rënia.

Por ne arritëm synimin së bashku, duke mbyllur kampionatin në vendin e 5-të! Kjo duke u treguar të gjithëve se kur jemi të bashkuar mund të bëjmë gjëra të mëdha.

Besojmë fuqishëm që kjo forcë e bashkimit do të jetë edhe këtë sezon, të kemi një mision të fitoreve dhe angazhimit të gjithë futbollistëve, tifozëve dhe bordit udhëheqës të klubit per te arritur synimin.

Forca FERIZAJ!