Skuadrat që përfitojnë më së shumti nga ligji i sponsorizimeve në Kosovë, prinë klubi basketbollistik

Ministria e Kulturës, Rinisë dhe Sportit (MKRS) ka publikuar listën e të gjitha federatave dhe klubeve që kanë inkasuar të hyra nga sponsorizimi gjatë vitit 2023. Klubet e futbollit kanë fituar më shumë në përgjithësi, por janë tri klube të basketbollit ato që kanë zënë tri pozitat e parë në dhjetëshen e klubeve nga të gjitha sportet që kanë të hyra më të mëdha nga sponsorizimi.

MKRS ka publikuar listën e përfitimit të sportit nga ligji i sponsorizimit për vitin 2023. Sipas asaj që thuhet në postimin e tyre, me sponsorizim të federatave dhe klubeve sportive, shteti i Kosovës i mundëson bizneseve që të lirohen nga pagesa e tatimit në fitim deri në 30 për qind dhe atë buxhet ta orientojnë në sport.

Në pozitën e parë është KB Peja, me 1.3 milionë euro, kurse dy vendet tjera zënë, KB Trepça me 1.1 milionë euro dhe Sigal Prishtina me 1.1 milionë euro.

Te skuadrat e futbollit, listës i prinë Ballkani me 1 milion euro, Prishtina me 781 mijë euo dhe Drita me 627 mijë euro./Indeksonline/

Lista e plotë me 10 skuadrat përfiuese nga ligji i sponsorizimeve:

1. KB Peja – 1.372.200
2. KB Trepça – 1.143.900
3. Sigal Prishtina – 1.106.379
4. FC Ballkani – 1.000.185
5. Golden Ealge Ylli – 868.000
6. FC Prishtina – 781.300
7. Drita FC – 627.000
8. FC Suhareka – 358.326
9. Dinamo Ferizaj – 350.700
10. FC Ferizaj – 305.200