S’mjafton inkuadrimi i Muriqit, Lazio pëson humbje dhe dorëzohet për një vend në UEFA Champions
Skuadra e SS Lazios ka pësuar humbje në xhiron e 35-të në Serie A nga ekipi i Fiorentinas.
Lazio pësoi disfatë 2 me 0, dhe ishte sulmuesi Dusan Vlahovic ai që shënoi dy golat e kësaj ndeshje, shkruan IndeksOnline
Sulmuesi serb njëherë shënoi në minutën e 32’të, kurse golin e fitores e shënoi në minutën e 89’të.
Inkuadrimi i sulmuesit të Kombëtares së Kosovës, Vedat Muriqi në minutën e 75’të nuk mjaftoi për ekipin e Inzaghit.
Me këtë humbje Lazio mund të dorëzohet për top-4, vend ky që dërgon në UEFA Champions League.
Lacianët tani kanë 64 pikë, pesë më pak se AC Milan, Juventus dhe Atalanta (69). Kurse ‘Viola’ ngritën në pozitën e 13-të me 38 pikë./IndeksOnline/