Sondazhi i Barçës pas ndeshjes përkon mjaft mirë me paraqitjen e Ter Stegen mbrëmë
Lëndimi i Leo Messit do ta mbajë atë jashtë ”El Clasico-s”, dhe ky ishte lajmi që mori vëmendje të madhe pas fitores së Barcelonës ndaj Sevillas.
Por, edhe paraqitje e portierit, Marc-Andre ter Stegen mori vëmendje të madhe.
Barcelona regjistroi fitore me rezultat, 4-2 në ”Camp Nou” ndaj Sevillas, e Ter Stegen ishte ndër më meritorët për këtë fitore, transmeton IndeksOnline.
Pas largimit të Messit nga fusha e lojës, Ter Stegen ishte heroi i Barcelonës, ku portieri gjerman shpëtoi në shumë raste katalunasit.
Dhe postimi i klubit katalunas në Twitter tregon më së miri për paraqitjen e gjermanit mbrëmë:
? Man of the match?#BarçaSevilla
— FC Barcelona (@FCBarcelona) October 20, 2018
Sevilla lansoi 19 goditje në ndeshjen e djeshme, dhe Ter Stegen dëshmoi se është ndër më të mirët në botë me pritjet e tij spektakulare.
Dy herë, ai bëri nga dy pritje njëra pas tjetrës për t’i përmirësuar gabimet e mbrojtjes.
Kjo paraqitje e vendosë gjermanin në mesin e portieriëve më të mirë në planet – me David De Gea dhe Jan Oblak./IndeksOnline/