Suarez mungon kundër Spurs, por edhe Messi mund të pushohet
Sulmuesi i Barcelonës, Luis Suarez nuk do luajë nesër kundër Tottenhamit në Champions League në ”Camp Nou”.
Ish-sulmnuesi i Liverpoolit do të pushohet për ndeshjen me djelmoshat e Mauricio Pochettinos.
Uruguaiani së fundmi pësoi një lëndim në gju, por u rikthye dhe shënoi në fitoren, 4-0 të Barcelonës kundër Espanyol, transmeton IndeksOnline.
Megjithatë, trajneri i Barcelonës, Ernesto Valverde konfirmoi sot se Suarez do të mungojë, derisa pohoi se edhe Leo Messi mund të pushohet.
”Nuk e di nëse Messi do të luajë, por Suarez do të mungojë, përfundimisht”, tha Valverde.
Barcelona është tashmë e kualifikuar nga Grupi B, por Tottenhamit i duhet më shumë se kurrë fitorja për t’u kualifikuar në fazën tjetër./IndeksOnline/