Talenti i Barcelonës pëson lëndim të rëndë, godet shtyllën dhe këput ligamentet
I riu i Barcelonës, Moussa Wague ka pësuar një lëndim të rëndë në gju.
Mbrojtësi anësor që ishte i huazuar te PAOK-u në Superligën greke ka goditur shtyllën me gju derisa po largonte një top.
Mbrojtësi i djathtë ka bërë një operacion në gju dhe tani do të qëndrojë në Barcelonë për rreth nëntë muaj para se të kthehet në aksion.
“Lojtari i FC Barcelona, Moussa Wague, i huazuar këtë sezon te PAOK Salonika, i është nënshtruar me sukses një operacioni këtë të shtunë në mëngjes për të riparuar dhe rindërtuar ligamentin e pellusit në gjurin e tij të djathtë. Operacioni u krye nga Dr Ramon Cugat nën mbikëqyrjen e ekipit mjekësor të FC Barcelona. Futbollisti senegalez gjithashtu ka këputur ligamentet e kryqëzuara të pasme dhe i është nënshtruar një trajtimi konservativ. Ai do të jetë jashtë fushave për rreth nëntë muaj dhe do të mbetet në Barcelonë për periudhën e rimëkëmbjes“, thuhet në komunikatën e klubit të Barcelonës.
Wague u bashkua me Barcelonën nga skuadra belge Eupen për 5 milionë euro në gusht të 2018-s.
Në prill 2019, ai bëri debutimin e tij në La Liga kundër Huescas në atë që ishte e para nga gjashtë paraqitjet konkurruese. /IndeksOnline/
Moussa Wague has potentially gotten a career ending injury. ?? pic.twitter.com/HA6kPPoq5X
— ͏Amr ?? (@AmrFootball) December 18, 2020