“Të dashuruar marrëzisht”, Ben dhe Jennifer ndihen me fat për shansin e dytë

Ben Affleck dhe Jennifer Lopez janë shumë të dashuruar me njëri-tjetrin dhe besojnë se ribashkimi i tyre u dha një shans të dytë për të planifikuar të ardhmen së bashku.

Çifti thuhet se mendon se ata kishin fat të ishin përsëri së bashku. Një person i brendshëm i Hollivudit i tha People se ata e konsiderojnë veten “dashuria e jetës së njëri-tjetrit” dhe se janë të “dashuruar marrëzisht”.

Një burim tjetër pranë çiftit tha se ylli i “Batman” është “shumë i lumtur” në marrëdhënien e tij me 51-vjeçaren sepse ajo është “e mrekullueshme për të”, transmeton Indeksonline.

Lopez dhe Affleck u takuan për herë të parë gjatë filmit të tyre “Gigli”. Ata ranë në dashuri dhe filluan të takoheshin në korrik 2002 dhe u fejuan në nëntor. Ata kishin planifikuar një martesë në shtator 2003 por e shtynë atë para se të përfundonin zyrtarisht fejesën në janar 2004.

Në atë kohë ata thanë që koha e tyre e zënë dhe ndërhyrja e medias në jetën private kontribuan në ndarjen, por që miqësia kishte vazhduar.

Tani gjithçka duket se po ecën normalisht për ta derisa po bëjnë këtë hap të madh drejt së ardhmes së tyre mes pretendimeve se ata tashmë planifikojnë të jetojnë së bashku./Indeksonline/