21:31 / E Premte, 23 Shtator 2022 / Gjelbrim

Trepça e pandalshme këtë sezon, fiton edhe ndaj Rahovecit

Skuadra e Trepçës, ka shënuar edhe fitoren e tretë në tre ndeshje në Princ Caffe Superligën e Kosovës në Basketboll.

Mitrovicasit kanë mposhtur Rahovecin si mysafire me rezultat 80:87 (14:26, 18:25, 27:26, 21:10), shkruan IndeksOnline.

Trepça e nisi ndeshjen në mënyrë fantastike me një seri prej 3:21, por më pas kishte një rënie, ku çereku i parë përfundon 14:26. Pas një fillimi të barabartë në periudhën e dytë, mysafirët u shkëputën në fund të kësaj pjese, duke thelluar edhe më shumë epërsinë, për të shkuar në pushim me rezultat 32:51.

Perioda e tretë ishte e barabartë, por sidoqoftë, ‘Xehetarët’ ruajtën epërsinë, për të mos lejuar përmbysjen e vendasve, ndërsa shifrat në semafor pas 30 minutash ishin 59:77. Në dhjetë minutat vendasit ishin më të mirë, por nuk mjaftoi dhe Trepça shënoi fitore 80:87, në xhiron e tretë të Superligës, kurse ‘Vreshtarët’ kanë një fitore e dy humbje.

Te Rahoveci u dalluan Chris Seeley me 19 pikë e dhjetë kërcime, Devin Johnson me 20 pikë dhe Musab Mala me 19, kurse te Trepça u dalluan Drilon Hajrizi me 18 pikë e dhjetë kërcime dhe Adam Grand e Mikaile Tmusiq me 15./IndeksOnline/