Treshes kosovare i rritet vlera në Transfermarkt

Treshja kosovare, Fisnik Asllani, Leon Avdulahu dhe Albian Hajdari, e bëri një sezon fantastik me Hoffenheimin në Gjermani, krahas paraqitjeve solide edhe me Kombëtaren e Kosovës.

Sulmuesit Asllani, i cili po pëlqehet nga Barcelona, por edhe nga Bayern Munichu, i është rritur vlera për 5 milionë euro, nga 30 në 35 milionë

Ai i ka zhvilluar 33 ndeshje në sezonin 2025/26, ndërsa i ka realizuar 10 gola dhe i ka dhuruar 9 asistime me ekipin gjerman, shkruan GazetaExpress

Ndërkohë, Avdullahut i është rritur vlera po ashtu për 5 milionë, nga 25 milionë euro në 30 milionë euro.

Mesfushori kosovar i ka zhvilluar 33 ndeshje në sezonin që përfundoi, ndërsa e ka bërë edhe një asistim.

E Hajdari i është rritur vlera nga 20 në 25 milionë euro.

Qendërmbrojtësi kosovar i ka zhvilluar 30 ndeshje në këtë sezon me Hoffenheimin, ndërsa e ka shënuar edhe një gol dhe i ka bërë dy asistime.