Mustafa: Nuk lejoj që Kurti të na tallë dhe të shkarkojë çdo ditë nga një ministër tonin

I pari i LDK’së, Isa Mustafa, ka bërë të ditur se subjekti i tij do të nisë një mocion mosbesimi ndaj qeverisë pas shkarkimit të ministrit të brendshëm, Agim Veliu, nga kryeministri Albin Kurti.

‘’Vendimi nuk na prishë por vetëm e ka derdhur gotën krejt. Parësore janë marrëdhëniet me Amerikën dhe partnerët tonë, kemi pasur një qeveri shumë papërgjegjësi ndaj marrëdhënieve tona me miqtë ndërkombëtar’’, tha Mustafa.

‘’Ambasada amerikane kërkoi sot të hiqet taksa përsëri, ndërsa ambasadori Grenell më shkruan cdo ditë se kur do të hiqet taksa, unë nuk kam përgjigje. Vendimi nuk na prish apo ndreq por vetëm e ka derdhur gotën krejt. Parësore janë marrëdhëniet me amerikën dhe partnerët tonë, kemi pasur një qeveri shumë papërgjegjësi ndaj marrëdhënieve tona me miqtë ndërkombëtar’’, shtoi ai.

Tutje ai shtoi se i ka shkruar Kurtit pas vendimit për shkarkim duke i thënë se është i gabuar dhe arbitrar.

‘’Nuk shoh mundësi që vendi të shkojë në zgjedhje pasi vendi është në situatë emergjente dhe nuk mund të mbahen zgjedhje. Kemi pasur pajtim që të qëndrojmë në qeveri por nuk do lejoj që Kurti të na tallë dhe të shkarkojë  çdo ditë nga një ministër pasi ne jemi parti serioze’’, tha Mustafa.