U raportua i zhdukur, momenti i shpëtimit të 84 vjeçarit nga Prishtina që kishte rënë në një gropë

Sinan Duli, 84-vjeçar ishte raportuar i zhdukur nga familjarët e tij pasi nga data 1 qershor, kishin humbur kontaktin me familjarin e tyre. Pas publikimit të njoftimit në rrjete sociale, për gjetjen e Sinanit ishin angazhuar Pjesëtarët e Shoqatës së Kosovës për Kërkim dhe Shpëtim.

Mbrëmjen e 2 qershorit, ky grup njoftoi se e kanë gjetur personin e moshuar.

84-vjeçari është gjetur rreth orës 22:30 në zonën te antena në lagjen “Kolovica” në Prishtinë.

Sipas Pjesëtarëve të Shoqatës së Kosovës për Kërkim dhe Shpëtim, 84-vjeçari ishte gjetur në një gropë.

Më pas, të moshuarin e kanë dërguar në me autoambulancë në Emergjencë të QKUK-së.