Ulëset e autobusit Shqipëri-Gjermani të mbushura me drogë
Tre persona kanë rënë në prangat e policisë kufitare të Muriqanit pasi janë kapur me lëndë narkotike.
Ata tentonin ta trafikonin lëndën narkotike përmes autobusit të linjës Shqipëri-Gjermani.
Dy të rinj dhe një 54-vjeçar kanë rënë në pranga pasi fshehën 23 kg kanabis sativa poshtë sediljes.
Njoftimi i plotë:
Policia kufitare godet një tjetër tentativë për trafik të lëndëve narkotike
Arrestohen në flagrancë 3 shtetas
Sekuestrohen 23 kg lëndë narkotike Cannabis Sativa
Nga shërbimet e Policisë Kufitare të P. K. K. Muriqan ne D. V. K. M Shkodër u arrestuan në flagrancë shtetasi:
- 54 vjeç, banues në Tiranë
Arrestimi i tij u bë pasi është paraqitur në P. K. K. Muriqan në dalje të RSh, me mjetin e tij tip Benz me targë DC187ZA, ku nga kontrolli i ushtruar në vijën e dytë u gjetën dhe u sekuestruan 23 kilogramë lëndë e dyshuar Cannabis Sativa
Gjithashtu në P. K. K. Muriqan u arrestuan shtetasit, E. M. 31 vjeç, banues në Durrës dhe A. B. 26 vjeç, banues në Tiranë, pasi gjatë kontrollit të ushtruar në autobuzin e linjës Shqipëri-Gjermani në sediljen e këtyre shtetasve, u gjet dhe u sekuastrua një sasi e vogël lëndë narkotike e dyshuar Cannabis Sativa.
Materialet iu referuan Prokurorisë për Krimet e Rënda Tiranë, në ngarkim të shtetasit M. K. për veprën penale “Trafikimi i narkotikëve” parashikuar nga neni 283/a i Kodit Penal, ndërsa në ngarkim të shtetasve E. M. dhe A. B. u referuan materialet Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve” parashikuar nga neni 283 i Kodit Penal.