Van Dijk: Krenar të jem kapiten i Holandës

Mbrojtësi i Liverpulit, Virgil van Dijk, do të jetë kapiteni dhe lideri i kombëtarës së Holandës në Kampionatin Botëror.

31-vjeçari do të luaj për herë të parë në një kompeticion të madh ndërkombëtar, shkruan IndeksOnline.

Mbrojtësi i Liverpulit ka thënë se ka pritur me padurim për një kohë të gjatë të luaj në një Kampionat Botëror.

”Eshte e mrekullueshme. Është diçka që e kam pritur me padurim për kaq shumë kohë. Ishte një zhgënjim i madh të humbisja Botërorin e fundit. Ishte një kohë shumë e vështirë për mua dhe për të gjithë holandezët. Kështu që është e mahnitshme të shkosh më në fund në Kupën e Botës. Është një ëndërr fëmijërie të përfaqësosh vendin tënd në Kupën e Botës. Në rastin tim është shumë e veçantë sepse unë jam kapiten i ekipit. Shpresoj që të arrijmë diçka të veçantë.” ka deklaruar Van Dijk për faqen zyrtare të FIFA-s.

Ai ka thënë se ndihet krenar që është kapiten i Holandës.

Sa krenare ju bën të ndiheni që jeni kapiteni i Holandës?

”Shumë krenar. Nuk mendoj se mund ta shpreh me fjalë se sa krenare më bën që kapiteni i vendit tim, sepse është kaq i veçantë për mua. Për mua, si djalë i ri, as që e mendoja të luaja një ditë për kombëtaren holandeze. Ishte një ëndërr, por kurrë nuk e kisha menduar se ishte realiste. Pra, të bëja debutimin tim për ekipin kombëtar në 2015 ishte shumë e veçantë, por të bëhesha kapiten kur Ronald Koeman ishte trajneri ynë ishte jashtëzakonisht e veçantë. Është diçka që më pëlqen shumë dhe përpiqem të mos e marr si të mirëqenë.”, ka thënë Van Dijk.

Sa i përket kundërshtarëve në grup, 31 vjeçari ka deklaruar se nuk do të jetë e lehtë, ndërsa ka treguar edhe se kundër cilës kombëtare do të deshironte të luante.

”Një Kupë Botërore nuk do të jetë kurrë e lehtë. Nuk ka rëndësi kundër kujt duhet të luani. Por unë mendoj se Senegali do të jetë ndeshja më e vështirë nga të tre. Ekuadori është gjithashtu kundërshtar shumë i vështirë dhe luan ndryshe nga ekipet e tjera. Çdo ndeshje do të jetë një sfidë e re dhe nuk do të jetë e lehtë.

Sigurisht që do të doja të luaja kundër Brazilit.”, ka deklaruar Van Dijk./IndeksOnline/