Veseli i takon deputetët serbë, kërkon votën e tyre për demarkacionin
Kryetari i Kuvendit të Kosovës, Kadri Veseli, në këto momente është në një takim me deputetët e Listës Serbe.
Këtë e konfirmojnë edhe nga kabineti i kryetarit Veseli të cilët bëjnë me dije se ka filluar takimi i Veselit me deputetët e Listës Serbe, raporton Kosovapress.
Takimi mes tyre po bëhet për t’i bindur ata ta votojnë demarkacionin me Malin e Zi.
Ishte kryetari i Kuvendit ai që mbrëmë tha se tashmë i kanë votat për ta votuar këtë projektligj.