Veseli: Izolimi i qytetarëve duhet të përfundojë, dihet qëndrimi i PDK-së për demarkacion
Kryetari i Parlamentit të Kosovës, Kadri Veseli ka përshëndetur vendimin e Qeverisë së Kosovës që të dërgojë në Kuvend, Projektligjin për Ratifikimin e Marrëveshjes për kufirin me Malin e Zi.
Me këtë rast Veseli ka thënë se qëndrimi i PDK-së është i qartë dhe se marrëveshja duhet të kalojë, transmeton Indeksonline.
Veseli ka deklaruar se vota e PDK-së do të jetë pro kësaj marrëveshje.
Ky është postimi i plotë:
Përshëndes vendimin e Qeverisë për ta sjellë në Kuvend Projektligjin për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi.
Qëndrimi i Partisë Demokratike të Kosovës është i qartë. Marrëveshja duhet të kalojë dhe vota jonë është “pro”, siç e kemi thënë në vazhdimësi.
Izolimi i qytetarëve tanë duhet të marrë fund. Presim nga Bashkimi Evropian liberalizimin e vizave.