Veseli propozon që t’u hiqen mëditjet deputetëve

Kryetari i Kuvendit Kadri Veseli, pas dështimit për ta votuar rezolutën për personat e pagjetur, theksoi se duhet t’iu ndalen mëditjet deputetëve të cilët janë nënshkruar dhe nuk kanë qëndruar në seancë.

Ai tha se në sallë janë vetëm 56 deputetë, derisa në listën e nënshkrimeve për mëditje, ishin mbi 90 deputetë të nënshkruar.Megjithatë, vendimin për t’ua ndalur mëditjet, do ta marrë Kryesia e Kuvendit, pasi Veseli tha se nuk dëshiron të marrë vendime arbitrare, ani pse ai ishte pro kësaj ndaljeje.

Disa deputetë thanë se nuk duhet ndalur mëditjet, jo për faktin e parave, por për shkakun se një numër i madh kanë qëndruar në Meje ku janë përkujtuar të rënët e masakrës së Mejës, e shumë tjerë po ashtu i kanë përkujtuar të rënët në masakra tjera.