Vetëvendosje mblidhet nesër, në rend dite dorëheqjet

Lëvizja Vetëvendosje ka disa javë që po përballet me dorëheqje të anëtarëve të saj.

Madje për këto dorëheqje gjatë ditës së sotme është deklaruar edhe i pari i Prishtinës, Shpend Ahmeti, i cili ka thënë se këto veprime nuk janë në rregull, por që Këshilli i VV-së dhe Grupi Parlamentar duhet të mblidhet dhe të diskutojnë këto çështje.

Lidhur me këtë, Indeksonline ka kontaktuar sekretarin organizativ të Vetëvendosjes, Ismail Kurteshi, i cili ka thënë se nesër do të ketë mbledhje, ku pritet të shqyrtohen dorëheqjet dhe çështjet organizative brenda VV-së.

“Në atë mbledhje do të diskutohet për situatën aktuale. Do të shqyrtohen dorëheqjet, edhe për çështjet organizative brenda Lëvizjes Vetëvendosje”, tha Kurteshi.

Kurteshi ka treguar se mbledhja do të mbahet në orën 15:00 dhe ai pret tërheqje të dorëheqjeve./Indeksonline/