Vuçiq mund të anulojë bisedimet në Bruksel – thonë mediat serbe
Presidenti serb, Aleksander Vuçiq nuk deshi që të mohojë ose të pohojë asgjë rreth vizitës në Kosovë kur u pyet nga gazetarët, transmeton Indeksonline.
“Nesër do të flasim për këtë” ishte përgjigja e Presidentit serb për mediat rreth vizitës së tij në Kosovë.
Sipas lajmeve jozyrtare nga mediat serbe, thuhet se autoritetet në Prishtinë i kanë lajmëruar presidentit serb që e ka të ndaluar të vizitojë liqenin e Ujmanit pasi që e konsiderojnë si një provokim.
Po ashtu nga informata jo zyrtare mësohet se presidenti serb është afër vendimit që të anulojë ardhjen e tij në Kosovë dhe se ka urdhëruar që të gjitha kontaktet me Prishtinën të ndërpriten. Negociatat në Bruksel me 7 shtator të premten ka mundësi të mos mbahen, sipas informacioneve jozyrtare nga mediat serbe. /Indeksonline/