Xavi: Arbitrit i thashë se ishte katastrofë
Sikur s’i mjaftonte disavantazhi dhe kartoni i kuq i Araujos që në minutën e 29-të, Barcelonës ia “skuqen” me karton edhe trajnerin, Xavi Hernandez.
Gundogan humbi një mundësi të mirë për të barazuar rezultatin e përgjithshëm në 4:4, në ndeshjen ndaj PSG-së që po zhvillohej në Montjuic, por ai e humbi këtë mundësi.
Xavi u zemërua keq dhe protestoi me britma, raporton Indeksonline.
Gjyqtari i ndeshjes, rumuni Istvan Kovacs, i dha karton të kuq Xavit.
Pas disfates, Xavi deklaroi se gjyqtarit i tha se “ishte një katastrofë”.
“Është për të ardhur keq, Liga e Kampionëve përfundoi për ne për shkak të gabimit të gjyqtarit. Sapo i thashë arbitrit se ai ishte një katastrofë. Është realiteti” deklaroi Xavi.
Barcelona u mposht me rezultat të përgjithshëm 4:6, duke u skualifikuar nga Liga e Kampionëve./Indeksonline/