Yjet i bashkohen fushatës “Black Lives Matter”
Videot ku shihet vrasja e afroamerikanit, George Floyd, kanë pushtuar mediat dhe rrjetet sociale në mbarë botën.
Që nga ngjarja tragjike shtatë ditë më parë në shumë qytete të Amerikës kanë filluar protesta të dhunshme duke shkatërruar kështu shumë nga prona publike.
Mijëra protestues kanë dalë në rrugë dhe po kërkojnë drejtësi dhe ndalje të racizmit në Amerikë, e kësaj fushate i janë bashkuar edhe shumë emra të njohur, yje të muzikës, aktrimit e sportit.
Të famshmit në masë të madhe kanë shprehur mbështetjen ndaj protestave duke iu bashkuar fushatës “Black Lives Matter” me postimin e një fotografie të zezë.
Yjet si Rihanna, Katy Perry, Cardi B, Kendall e Kylie Jenner, Bella Hadid, Zayn, artistët shqiptarë si Dua Lipa, Rita Ora, Ava Max, Stanaj, janë disa nga emrat e njohur që kanë reaguar përmes rrjeteve sociale për të mbështetur kampanjën “Black Lives Matter” (Jeta e njerëzve me ngjyrë ka rëndësi)./Indeksonline/