Zlatko Dalic mendon dorëheqjen nga posti i trajnerit të Kroacisë, ky pritet të jetë pasardhësi i tij
E ardhmja e Zlatko Dalic në stolin e Kombëtares së Kroacisë mbetet e paqartë, pasi mediat kroate raportojnë se trajneri pritet të marrë një vendim përfundimtar mbi të ardhmen e tij deri të mërkurën.
Sipas të përditshmes Sportske Novosti, pasi Kroacia është eliminuar nga Kupa e Botës, Dalic është pranë largimit nga posti i përzgjedhësit, duke i dhënë fund një prej periudhave më të suksesshme në historinë e futbollit kroat, shkruan IndeksOnline.
Nëse largimi i tij zyrtarizohet, favoriti kryesor për ta zëvendësuar është ish-trajneri dhe ish-kapiteni i Kroacisë, Slaven Bilic.
56-vjeçari është përmendur si kandidati kryesor për të marrë drejtimin e kombëtares, falë përvojës së tij të madhe si trajner në nivele të ndryshme dhe njohjes së mirë të futbollit kroat.
Dalic mori drejtimin e Kroacisë në vitin 2017 dhe udhëhoqi ekipin drejt arritjeve historike, duke fituar medaljen e argjendtë në Kupën e Botës 2018 në Rusi dhe medaljen e bronztë në Botërorin 2022 në Katar./IndeksOnline/
🚨🇭🇷 JUST IN: Zlatko Dalić is expected to announce a decision on his future by Wednesday, with all indications pointing toward his departure.
— TheCroatian (@TheCroatian_) July 4, 2026
Slaven Bilić is expected to succeed him as Croatia's next head coach.
[Sportske Novosti] https://t.co/JqyF67zYvk pic.twitter.com/cUAF7nPwBw
