Zyrtare: ”Gjenerali” i Liverpoolit nënshkruan kontratë të re
Jordan Henderson ka nënshkruar kontratë të re afat-gjate me Liverpoolin.
Reprezentuesi anglez është në Liverpool që prej shtatë vitesh pasi iu bashkua klubit nga Sunderlandi në vitin 2011.
Dhe ai u bë kapiten i skuadrës në vitin 2015 pas largimit të Steven Gerrard drejt LA Galaxyt, transmeton IndeksOnline.
Henderson tha për ueb-faqen zyrtare të klubit: ”Jam shumë i lumtur që kam nënshkruar kontratë të re për një periudhë të gjatë. Jam absolutisht i kënaqur”.
”Nuk më duket kohë e gjatë që prej kontratës së parë – ndjej sikur ndodhi dje – por, shumë gjëra kanë ndodhur që nga atëherë”.
”I kam shijuar vitet këtu dhe dua të jem këtu për aq kohë sa të mundem të luaj”./IndeksOnline/