Zyrtare: Milani nënshkruan me kandidatin për Topin e Artë

Simon Kjaer ka vazhduar kontratën me Milanin deri në verën e vitit 2024.

Përmes një komunikate për media, klubi italian ka bërë të ditur se Danezi ka pranuar të jetë ‘kuqezi’ edhe për tri vitet e ardhshme.

“AC Milan  ka kënaqësinë të njoftojë rinovimin e kontratës së Simon Thorup Kjær  deri më 30 qershor 2024. Simon, një profesionist shembullor brenda dhe jashtë fushës, kapiten i Danimarkës dhe i përfshirë në listën e 30 kandidatëve për Topin e Artë 2021, iu bashkua kuqezinjve në janar 2020, duke bërë debutimin e tij në ndeshjen e Kupës së Italisë kundër SPAL. Pas 66 paraqitjeve dhe 1 golit të shënuar në Old Trafford kundër Manchester United, Kjær dhe Milan do të vazhdojnë rrugëtimin e tyre së bashku”, thuhet në njoftimin e klubit.

Kjaer po kalon në formë të mirë dhe është përfshirë në listën prej 30 lojtarëve në garë për Topin e Artë. /IndeksOnline/

Simon says… 2024! ✍️🔴⚫#SempreMilan pic.twitter.com/zqXa3mth5g

— AC Milan (@acmilan) October 27, 2021