Zyrtare: Prishtina përforcohet me DeMario Mayfield

Amerikani që mbronë ngjyrat e Kombëtares së Irakut, është përforcimi më i ri i Prishtinës në basketboll.

Mayfield që luan në pozitën 2 dhe 3, njihet për lojën e tij efikase në sulm.

Ai filloi karrierën e tij në Gergoia AAA, ku u zgjedh ‘Lojtari i Vitit’, e pas lojërave të mira u ftua nga kolegji i njohur VCU. Mirëpo për të qenë më afër familjes, Mayfield vendosi që të transferohej te skuarda tjetër e njohur, Charlotte 49ers, transmeton IndeksOnline.

Kur filloi të tregonte aftësitë e tij dhe pritej që të arrinte majat e basketbollit, Mayfield bënë një gabim, duke thyer ligjin dhe kështu u dënua për 10 muaj punë për komunitetin, për t’i përmirësuar sjelljet.

Kjo e vetëdisoi dhe e forcoi atë edhe më shumë. Për shkak të kaluarës së tij, të gjithë hezitonin t’a merrnin në ekip, por jo edhe ekipi irakian, Oil Club.

Besimi i Oil Club u shpagua, pasi që Mayfield u “ringjall” si një feniks dhe udhëhoqi ekipin me 29 pikë, 8 kërcime e 8 asistime drejt titullit të tyre të parë në histori të klubit. Paraqitjet impresive të amerikanit shtyen Irakun që t’i ofronte nënshtetësi dhe të bëhej një lider edhe i kombëtares së tyre./IndeksOnline/