Azemi vazhdon trendin, fton bashkëatdhetarët për ta përkrahur Prishtinën
KB Prishtina do ta zhvillojë sonte një ndeshje të rëndësishme në kuadër të FIBA Europe Cup.
Skuadra nga kryeqyteti është mysafir i S.Oliver Wurzburg sonte në kuadër të fazës, 1/16 në këtë kompeticion.
Duke i pasur parasysh problemet burokratike, mbështetja sonte në Gjermani për Prishtinën, natyrisht se do të jetë më i vogël, transmeton IndeksOnline.
Andaj, basketbollistët e Prishtinës i janë bashkuar një trendi për t’i ftuar bashkëatdhetarët në Gjermani për ta përkrahur Prishtinën.
Së fundmi, këtë e ka bërë edhe basketbollisti, Edmond Azemi përmes një video të postuar në faqën zyrtare të klubit.
”Ju përshëndes dhe i ftoj të gjithë shqiptarët që jetojnë në Gjermani dhe afër Gjermanisë që të vinë të mërkurën, ora, 19:00, ta përkrahin Prishtinën kundër S.Oliver Wurzburg”, tha Azemi./IndeksOnline/