Zyrtare: Spanja mbyll kampionatin, Barcelona shpallet kampione

Federata Spanjolle e Futbollit ka mbyllur zyrtarisht kampionatin e femrave në vend. Elita e futbollit të femrave nuk do të rinisë dhe tashmë janë dhënë dhe verdiktet përfundimtare të sezonit 2019-20.

Barcelona ka fituar kampionatin, pasi e ka mbyllur në vendin e parë. Atletico Madridi e ka mbyllur në vendin e dytë. Barça dhe madrilenet do të jenë pjesëmarrëse sezonin tjetër në Champions League.

Presidenti i Barcelonës, Josep Maria Bartomeu, ka uruar skuadrën e femrave për fitimin e kampionatit. Santa Teresda dhe Eibar do të ngjiten në Liga Iberdrola, ndërsa sezonin e ardhshëm do të marrin pjesë 18 ekipe./IndeksOnline/