​KE padit Hungarinë për Ligjin mbi azilin

Komisioni Evropian sot ngriti një padi kundër Hungarisë për mospërputhjen e Ligjit për azilin dhe kthimin e emigrantëve.

“Komisioni Evropian i dërgoi një paralajmërim për ligjin, që penalizon aktivitetet e organizatave joqeveritare që ndihmojnë emigrantët”, tha zëdhënësja e KE-së, Mina Andreeva.

Në të njëjtën kohë, KE dërgoi një letër paralajmëruese, e cila është hapi i parë në fillimin e procedimeve kundër një shteti anëtar, për shkak të ligjit të ri hungarez që penalizon aktivitetet e organizatave joqeveritare që ndihmojnë emigrantët, të quajtur “Stop Soros”.