322 milionë kushton arsimi kosovar për 4 vjet

Është përmbyllur konsultimi publik për Draft Strategjinë e Arsimit 2022-2026, me ç’rast Ministria e Arsimit, Shkencës, Teknologjisë dhe Inovacionit ka organizuar takim pune me institucione, organizata dhe grupe të ndryshme të interesit.

Aty u tha se se gjithë strategjia për arsim kalon 322 milionëshin.

Kjo shifër përfshin planin deri më 2026-tën, derisa  për vitin tjetër 6 milion janë ndarë për digjitalizim.

Bashkë edhe me komentet, strategjia pritet të përfundohet shpejt. Procesi u mbështet edhe me fonde nga Gjermania.

5 objektivat kryesore në këtë strategji janë, edukimi në fëmijërinë e hershme, arsimi parauniversitar, aftësimi profesional, arsimi i lartë dhe digjitalizimi i arsimit.