Hoti në një takim me ambasadorin zviceran, shprehet gatishmëria, që partneriteti të vazhdojë edhe në të ardhmen

Kryeministri i Kosovës, Avdullah Hoti, prit sot në një takim ambasadorin e Zvicrës në Kosovë, Jean-Hubert Lebet, me të cilin ka biseduar për zhvillimet e përgjithshme në vend.

Kryeministri Hoti, fillimisht e ka njoftuar ambasadorin Lebet për prioritetet e Qeverisë për fuqizimin e rendit dhe ligjit, luftën kundër krimit dhe korrupsionit, me theks të veçantë për masat që po merr Qeveria për zhvillimin ekonomik, pas gjendjes së krijuar nga pandemia COVID-19.

Me këtë rast, kryeministri Hoti falënderoi shtetin e Zvicrës dhe ambasadorin Lebet për mbështetjen – dhënë Kosovës në procese të ndryshme, shumë të rëndësishme për vendin, duke shprehur përkushtimin për thellimin e mëtejmë të bashkëpunimit me Zvicrën.

Ambasadori i Zvicrës, Jean-Hubert Lebet, falënderoi kryeministri Hoti për pritjen, duke shprehur gatishmërinë që partneriteti ndërmjet dy shteteve të vazhdojë edhe në të ardhmen.