Policia arreston 89 të huaj në një bar në Tajlandë për shkelje të masave anti-Covid

Policia tajlandeze ka arrestuar 89 të huajë në ishullin Koh Phanagan, gjatë një bastisjeje në një bar, që nuk po i respektonte masat antiCOVID, raporton BBC-i.

Të arrestuarit janë nga më tepër se dhjetë shtete, përfshirë edhe nga SHBA-ja e Britania e Madhe.

Në Tajlandë nuk lejohen tubimet në masë.

Tajlanda ka regjistruar 15.465 raste me koronavirusin dhe 76 të vdekur. Është vlerësuar si një nga vendet që e ka menaxhuar më së miri situatën me pandeminë. Mirëpo, në javët e fundit ka pasur rritje të rasteve.

Janë regjistruar 29 raste në provincën Surat Thani, ku gjendet Koh Phanang, që nga fillimi i pandemisë, por 11 prej tyre janë regjistruar vetëm në muajin e fundit.

Policia të martën ka bastisur barin “Three Sixty” në natën e të martës dhe ka zbuluar bileta që ishin shitur për një ngjarje online.

Në imazhet e bastisjes janë parë turma të mëdha të njerëzve e brenda barit, shumica me maska.

Policia ka thënë se 22 tajlandezë janë arrestuar, përfshirë edhe pronarin e barit dhe një tjetër i cili ka pranuar se e ka organizuar këtë festë.

Pronari i barit dhe personi tjetër rrezikojnë deri dy vjet burgim dhe gjobë 976 funte.