Lufta në Afganistan: Tri gazetare vriten gjersa ktheheshin në shtëpi nga puna

Tre gra që kanë punuar për një stacion televiziv në qytetin afgan të Jalalabad janë qëlluar për vdekje.

Raportet thonë se gratë, të moshës 18-20 vjeç, u vranë në dy sulme të ndara, por të koordinuara. Një i katërt u lëndua dhe është në gjendje kritike shëndetësore, transmeton IndeksOnline.

Policia thotë se ata arrestuan sulmuesin kryesor, duke e lidhur atë me Talibanët. Por, grupi mohon çdo përfshirje.

Një valë vrasjesh ka tronditur vendin me në shënjestër gazetarë, aktivistë dhe figura të tjera politike.

Të tre gratë e vrara kishin përfunduar së fundmi shkollën e mesme dhe kishin punuar në departamentin e dublimit të stacionit privat Enikas TV, tha kreu i tij, Zalmai Latifi.

Sipas Associated Press, Mursal Wahidi u sulmua nga persona të armatosur ndërsa po ecte për në shtëpi. Dy të tjerët – të cilët u identifikuan vetëm si Shahnaz dhe Sadia – u vranë në një incident të veçantë, gjithashtu derisa po ktheheshin në shtëpi.

“Ato po shkonin në shtëpi nga zyra në këmbë kur u qëlluan,” i tha Latifi agjencisë së lajmeve AFP./IndeksOnline/