Fusha e klubit të Superligës bëhet “pishinë olimpike”, anulohet ndeshja? (Foto)

Ndeshja mes Drenicës dhe Lirisë mund të anulohet për shkak të gjendjes katastrofale të fushës, shkruan IndeksOnline.

Klubi i Drenicës ka publikuar një foto të stadiumit “Bajram Aliu”, ku shihet gjendja jo e mirë e fushës.

“Vështirë të besohet se mund të ketë ndeshje futbolli këtë fundjavë në Superligën e Kosovës. Reshjet e shiut që po vazhdojnë ende dhe pritet të vazhdojë deri të dielën i kanë kthyer fushat e futbollit në Kosovë në pishina olimpike”, shkruhet në njoftimin e klubit nga Drenica.

Ndeshja mes Drenicës dhe Lirisë është e paraparë të zhvillohet më 2 dhjetor (e shtunë) nga ora 13:00./IndeksOnline/