Enrique komenton transferimin e Mbappes te Real Madrid dhe flet për rikthimin e tij te Barcelona
![](https://indeksonline.net/wp-content/uploads/2024/03/433679708_1022244353036389_4549044418337935036_n-1.jpg)
Trajneri i PSG-së, Luis Enrique, ka folur për dy nga raportimet më të përfolura në media.
E para ka të bëjë me transferimin e Kylian Mbappes te Real Madridi, derisa e dyta për mundësin e rikthimit të tij në stolin e Barcelonës, shkruan IndeksOnline.
Sa i përket Mbappes, Enrique tha se nuk e di askush vendimin e sulmuesit francez.
“Mbappé te Real Madridi? Nuk e di, askush nuk e di. Vetëm Kylian e di. Kur të gjitha palët e përfshira vendosin të ndajnë të vërtetën dhe vendimet e tyre, ne do të jemi aty për të dëgjuar.”, deklaroi spanjolli.
Ai po ashtu foli edhe për mundësinë e rikthimit të tij si trajner i Barcelonë, duke thënë se kjo është e pamundur.
“Rikthimi te Barça? Gjithmonë do të më pëlqente një ditë, Barça do të thotë shumë për mua por duket e pamundur. Dua të respektoj kontratën time në PSG pasi kemi një projekt të rëndësishëm për të zhvilluar dhe nuk do ta prish kontratën. Në asnjë mënyrë.”, ka thënë Enrique./IndeksOnline/