Konfirmohet lajmi i IndeksOnline, Liria zyrtarizon Erdogan Brandon si trajner edhe për sezonin e ardhshëm
![](https://indeksonline.net/wp-content/uploads/2024/06/Capture-34.jpg)
Liria e ka zyrtarizuar Erdogan Brandon si trajner edhe për sezonin e ardhshëm.
IndeksOnline ditë më parë ka raportuar se Brando ka bindur drejtusit e klubit prizrenas për të qënë trajner edhe për një sezon.
Ai është prezantuar nga presidenti i ri i Lirisë, Valon Osmani.
”Erdogan Brando vazhdon me KF Liria edhe për sezonin 2024/25!
Kemi nderin të njoftojmë opinionin publik, qytetarët e Prizrenit, futbolldashësit dhe në veçanti tifozët e klubit tonë, që kemi arritur marrëveshje për vazhdimin e kontratës me ikonën e klubit, Erdogan Brando.
Brando do të vazhdojë punën e tij ashtu siç e bëri pjesën e fundit të sezonit të kaluar, me seriozitetin dhe përkushtimin më të lartë të mundshëm.
Së bashku me trajnerin, do të punojmë pareshtur për arritjen e qëllimeve të klubit.”, thuhet në njoftimin e klubit.
Kujtojmë që Brando morri drejtimin e klubit prizrenas në ndeshjet e fundit, por nuk arriti ta shpëtonte nga rënia në Ligën e Parë/IndeksOnline/