Osmani viziton ekspozitën e fotoreporterit Uka: Flet për përkushtimin e Blerimit ndaj sportit të Kosovës

Zëvendësministrja e Kulturës, Rinisë dhe Sportit, Daulina Osmani, ka viiztuar ekspozitën e dokumentimit të historisë së sportit tonë, përmes fotografive të fotoreporterit të njohur nga Podujeva, Blerim Uka.

Osmani u shpreh se ky udhëtim është dokumentuar me pasion dhe e ka vendosur Kosovën në hartën sportive globale.

Njëherazi, Osmani shprehet se kjo gjithashtu flet për përkushtimin e Blerimit ndaj sportit të Kosovës, shkruan IndeksOnline.

Ky është postimi i plotë:

Sot pata kënaqësinë të shoh nga afër historinë e ndërkombëtarizimit të sportit tonë përmes fotografive të Blerim Uka.

Një udhëtim i dokumentuar me pasion që e ka vendosur Kosovën në hartën sportive globale si dhe që flet për përkushtimin e Blerimit ndaj sportit të Kosovës.

Përgëzime për punën frymëzuese dhe kontributin e çmuar në afirmimin e Kosovës në arenën ndërkombëtare.