Courtois dhe Diaz rinovojnë me Real Madridin

Brahim Diaz ka arritur një marrëveshje të plotë me Real Madridin për të zgjatur kontratën e tij, raporton Fabrizio Romano.

E njëjta gjë vlen edhe për Thibaut Courtois, i cili gjithashtu ka rënë dakord të qëndrojë në klub me kushte të përmirësuara dhe një marrëveshje të re.

Kontrata aktuale e Brahimit me Real Madridin është e vlefshme deri në verën e vitit 2027, por duket se Madridi do t’i ofrojë atij një kontratë trevjeçare, duke e mbajtur në klub.

Sa i përket Courtois, kontrata e tij aktuale është e vlefshme deri në vitin 2026 dhe klubi synon ta mbajë atë edhe për një vit tjetër deri në vitin 2027.