Reali afër t’i humbë të drejtat mbi ish-lojtarin, mësohet arsyeja
Real Madridi është vetëm dy ndeshje larg të Bournemouthit nga humbja e çdo të drejte që aktualisht mban mbi yllin e ri të skuadrës angleze dhe ish-lojtarin e Castillas, Alex Jimenez, sipas “The Athletic”.
Jimenez iu bashkua Bournemouthit në formë huazimi nga AC Milan gjatë verës dhe deri tani ka grumbulluar 1,382 minuta në Premierligë.
Lojtarit i duhen edhe dy paraqitje të tjera (45 minuta ose më shumë) për të arritur pragun minimal që aktivizon klauzolën e blerjes së detyrueshme në kontratën e tij, me vlerë 19.5 milionë euro.
Në atë rast, e drejta e refuzimit të parë dhe klauzolat e riblerjes që Real Madridi ka aktualisht nuk do të jenë më të vlefshme, pasi Bournemouth do të detyrohej ta blejë menjëherë Jimenezin.
E vetmja mënyrë që Real Madridi t’i ruajë këto klauzola është që lojtari të rikthehet te Milani në fund të sezonit, diçka që duket pak e mundshme.
Nëse klauzola e blerjes aktivizohet, Milani do të përfitojë pesë milionë eurot e para dhe më pas gjysmën e mbetur të shumës së transferimit (19.5 milionë euro, me një bonus maksimal prej pesë milionësh), ndërsa Real Madridi do të marrë gjysmën tjetër të kësaj shume.
Gjithnjë e më shumë po duket se Jimenez do të përfundojë si lojtar i përhershëm i Bournemouthit, pasi po aktivizohet shumë më shpesh si titullar sesa ishte te Milani.
