Kjo është e dashura e re e ish-shefit të Google, kanë 43 vite diferencë

Miliarderi i martuar dhe ish-drejtori i Google, Eric Schmidt , 70 vjeç, thuhet se është afruar me modelen gjermane Gloria-Sophie Burkandt , e cila është 43 vjet më e re se ai.

Schmidt dhe Burkandt u panë së bashku muajin e kaluar në Forumin Ekonomik Botëror në Zvicër, duke shkaktuar thashetheme për një lidhje romantike.

“Kush është gruaja me të cilën u dashurua Eric Schmidt (70)?” ishte titulli i botuar nga gazeta gjermane Bild.

Gazeta raportoi se Eric dhe Gloria-Sophie janë “më shumë se miq”, duke e përshkruar atë si dikë me një “prejardhje mbresëlënëse si ekonomiste, modele dhe autore”.

Portali gjerman pohoi gjithashtu se Schmidt dhe Burkandt kishin kaluar kohë të konsiderueshme së bashku në javët e fundit, duke udhëtuar nëpër SHBA, Indi dhe Evropë.

Megjithatë, një burim pranë Schmidt i tha New York Post se, megjithëse Burkandt ishte pjesë e shoqërimit të tij në Davos, ishte një “miqësi, jo një marrëdhënie”.

Një burim tjetër, pranë Burkandt, i tha Daily Mail se raporti i Bild ishte “plot pasaktësi”, duke pretenduar se të dy nuk ishin takuar në Harvard dhe nuk do të merrnin pjesë së bashku në Konferencën e Sigurisë në Mynih. Ai shtoi se marrëdhënia e tyre është ekskluzivisht miqësore, pa ndonjë interes romantik.

Schmidt drejtoi Google nga viti 2001 deri në vitin 2011, duke u bërë më vonë kryetar ekzekutiv dhe duke e mbajtur këtë rol deri në vitin 2015.

Sot, ai është gjithashtu një nga figurat më të fuqishme në teknologji dhe qarqet politike globale, me një pasuri neto të vlerësuar prej 54.6 miliardë dollarësh.

Gloria-Sophie Burkandt është vajza e Markus Söder , kryeministrit konservator bavarez dhe një prej figurave politike më me ndikim në Gjermani. Gloria thuhet se ka një diplomë bachelor në menaxhim biznesi dhe ekonomi dhe një diplomë master në menaxhim biznesi./Indeksonline/