Trajneri Hivzi Ahmeti tërheq vëmendje në New York me stervitje moderne të futbollit
Trajneri nga Prishtina Hivzi Ahmeti po tërheq vëmendje në New York me një qasje të veçantë në zhvillimin e futbollistëve të rinj, e cila po konsiderohet ndryshe nga metodat tradicionale të stërvitjes.
Në një mjedis ku sporti dhe zhvillimi i talenteve trajtohen në nivele të avancuara, Ahmeti po prezanton një metodologji të bazuar në vendimmarrje të shpejtë, zhvillim të inteligjencës së lojës dhe simulim të situatave reale në fushë.
Qasja e tij, e njohur si “NDPS”, fokusohet në kombinimin e reagimit mental, teknikës dhe kreativitetit, duke synuar zhvillimin e lojtarëve modernë që përshtaten shpejt me ritmin e lojës.
Sipas trajnerit, theksi nuk vendoset vetëm tek aspekti fizik apo teknik, por tek mënyra se si futbollistët mendojnë dhe reagojnë gjatë lojës.
“Future players are built with the brain first”, është motoja që Ahmeti përdor për të përshkruar filozofinë e tij të punës.
Metodologjia e tij përfshin ushtrime me intensitet të lartë, skenarë realë loje dhe zhvillim të aftësisë për të marrë vendime të shpejta nën presion — elemente që po konsiderohen gjithnjë e më të rëndësishme në futbollin modern.
Puna e trajnerit kosovar në SHBA po ngjall interes edhe te trajnerë dhe akademi të ndryshme sportive, të cilat po e shohin këtë qasje si një model inovativ për zhvillimin e moshave të reja.
