Kombëtarja boshnjake mbërriti në SHBA, pritet fuqishëm në aeroport
Futbollistët e Bosnjë e Hercegovinës ishin ndër të parët që mbërritën në Shtetet e Bashkuara, ku do të përfundojnë pjesën e fundit të përgatitjeve të tyre për Kupën e Botës.
“Dragoitët” do të garojnë në Grupin B, ku do të përballen me Kanadanë, Zvicrën dhe Katarin. Ata do të luajnë ndeshjen e tyre të parë më 12 qershor kundër Kanadasë në Toronto.
Futbollistët e Bosnjë e Hercegovinës zbarkuan në St. Louis të martën në mbrëmje, sipas kohës amerikane, për t’u përshtatur me ndryshimin e kohës, për t’u rigjeneruar në paqe dhe për t’u përgatitur për paraqitjen e tyre të parë në Kupën e Botës të këtij viti.
Ekipi i Sergej Barbarez-it u prit me një surprizë të madhe me të mbërritur në tokën amerikane. Ata u pritën në aeroport nga tifozët, pothuajse të gjithë prej të cilëve mbanin veshur fanella ose bluza të ekipit kombëtar të Bosnjë e Hercegovinës./Indeksonline/
