Telekomi i paguan BIK-ut 36 mijë euro në vit për pronën e Xhamisë Qendrore (Video)
Gurthemeli që u vendos në vitin 2012, u mbulua nga mbishkrimet e mbeturinat.
E meqë punimet për ndërtimin e Xhaminë Qendrore në kryeqytet nuk filluan, automjetet e Postës dhe Telekomit të Kosovës, vazhdojnë të parkohen aty, njofton Klan Kosova
Por, ani se projekti po vonohet, Bashkësia Islame, nuk është se po humb materialishst.
Telekomi i Kosovës, i paguan BIK-ut 3000 euro në muaj për t’u parkuar aty, shumë kjo që para 1 janarit të 2013-tës i paguhej Komunës së Prishtinës.
Kontratën që kushton 36 mijë euro në vit, Klan Kosovës ia konfirmoi edhe zëdhënësi i Telekomit, Arsim Bilalli.
Kurse, përmes emailit, BIK tregoi se për cka janë paraparë paratë që deri më tani kapin shifrën 195 mijë euro.