Flamengo, kjo ”fabrikë talentësh” për tregun evropian

Së fundmi është përfolur shumë për transferimin eventual të Lucas Paquetas në Milan.

Sulmuesi 21-vjeçar, i cili po shkëlqen këtë sezon në Brazil, është shumë pranë të nënshkruajë me klubin e Milanit.

Ditëve të fundit, edhe drejtori i Flamengos ka konfirmuar se Paqueta do t’i bashkohet Milanit, pavarsisht se për të u interesuan klube si PSG, Chelsea, Liverpool, Barcelona e të tjera, transmeton IndeksOnline.

Në vitet e fundit, kampionati brazilian është dëshmuar si ”fabrikë talentësh”, të cilët pasi kanë bërë emër janë transferuar në Evropë.

Disa prej tyre dështuan, e disa prej tyre edhe shkëlqyen në klubet përkatëse.

Ndërsa, Flamengo në vitet e fundit ka bërëkatër shitje të shtrenjta në drejtim të klubeve evropiane.

Shitja më e shtrenjët e Flamengos në Evropë është Vinicius Junior, të cilin klubi e shiti për 45 milionë euro në Real Madrid.

Junior nuk ka arritur ende ta bindë Julen Lopeteguin, teksa është duke u paraqitur me skuadrën B të Madridit.

Shitja e dytë më e shtrenjët e Flamengos është Lucas Paquetas, transferimi i të cilit te Milani ende nuk është zyrtarizuar.

Megjithatë, raportohet se çmimi shitës i 21-vjeçarit, për të cilin Milani është pajtuar të paguajë është 35 milionë euro.

Dhe për fund, dy shitjet tjera më të shtrenjta janë ai i Jorges te Monaco për 8.5 milionë euro dhe i Felipe Vizeut në Udinese për 5 milionë euro./IndeksOnline/